في محراب التعلات

أفكار تطرى لي وفي بالي تجول…………….

وأسرح معاها في سرادب ضيعه

 

والناس مثلي بين لاهي ومسطول………..

هذا يقول وذاك يصنع صنيعه

 

والوقت مثل كتاب بعلم مااهول…………….

تسبر معه بين الحصون المنيعه

 

وادير شبحي شوي وفي راسي تلول…………………

من الشجون الهاجده والمريعه

 

وأشوف نادي غيب داهم و مجهول……………

ولاحيت هاجوس (ن)يدمدم قريعه

 

ورجعت أفكر والفكر ماله سدول……………..

ومما عرفت أكتب وبوحي يذيعه

 

تدري وش اللي يخلي البال مشغول……………..

لصار حملك فوق ماتستطيعه

 

وتدي وش اللي يخلي الحي مشلول………………..

لامن سقى زرعه ولاطاب فيعه

 

وتدري متى تعجز ولا عندك حلول………………….

لاصارت الدنيا فعينك فضيعه

 

وتدري متى تندم على سردك القول………………….

لاضع سرك والبلاوي تبيعه

 

الليل لاليل على حي مغلول…………………

تاهت مساريبه وافخت ربيعه

 

وإن زايم أحزانه ولو شاقه الطول…………………

يروغ في فيض الدواهي قطيعه

 

أفياض سالت ماتدون بكشكول……………

وسرب(ن)من الهاجوس يقرع قريعه

 

والناس فيها بين طييب ومعلول…………

والعمر يمضي والليالي سريعه

 

هذاك من هم الدواكيك مذهول………………

مما يشوف إذا سمته الوجيعه

 

والحي لاخررف تصيبه أعلول……….

ومن شاف بعيونيه يدور هجيعه

 

فاحذر من اللي لااحتزم صار بهلول……………..

يضوع رايك يوم تصنع صنيعه