الشاعر محمد عبد العزيز رمضان
مين اللي شال همي
غيرك أنت يا أمي
مين اللي باع عمره
علشاني غير أمي
يا دنيتي وعمري
يا غاليه يا أمي
نور الحياه أنت
أنا نفسي أرضيك
والله لو قلت
عمري راح أديك
جوايا محفورة
مش ممكن أنساك
يا حقيقه مش صورة
يا حبيبتي بهواك
خايف أنا خايف
لو يوم فارقتيني
شايف ومش شايف
يا حبيبتي ضميني
هفضل أنا فاكر
سهرك وأنا نايم
وبقول ومش ناكر
نبع الحنان دايم
واللي يبيع حبك
تلقاه أكيد خسران
مهما بعد عنك
إزاى يعيش بأمان
وليا مين هيصون
لو الزمان بعني
قلبك رقيق وحنون
دايماً بيسمعني
يا أغلى ما في الكون
ودعاك ينفعني
أمي في قلبي كتاب
مكتوب بأنفاسي
للجنه هيا الباب
لو كنت يوم ناسي
بتجمع الأحباب
نبضي واحساسي
