ليلى براده_المغرب
كلها وحالوا وكل واحد عايش هبالوا
المعقول صبح معدوم
والكذوب ولا بالفن
وفن معاصر
مرسوم بالألوان
والألوان الزاهية
ها التشكيلي
ها الفسيفساء
ها الخابوري
ها الأنيق مول الݣرافاط
اما خلاص على مول البلدي
هاذاك الكذوب بقواعدوا
يجيبها بالدين
على طريقتو
بحال يلا مفصلا
على جلابتو
وزيدلك الشباب
الهيب هوب
وكلام السوق
ندوخو على هاذا
وعلى هاذي
وهاحنا فنانا
وبجوانات فالهنا
أرى دابا نشوفولك
الشابات
واكثرتهن الشابات
باش يبانوا بمنظهر جميل
خاصهم لابد من التجميل
