د.عبدالوهاب محمود الرعيني
يا ذيب يا اللي فوق تلك الرفيعات
ويش صار حالك بعدما راحت الناس
يا ذيب أنا بسألك في سته أبيات
هل لك مثل بعض البشر نصف الإحساس
ياذيب قل لي ما معك من سجلات
و أذكر بهن أفعال توزن وتنقاس
وابا انشدك يا ذيب كم فيك فزعات
فزعتهن لله مع قليلين الإحساس
وبسألك ليه ما تخاف العقوبات
من القريب اللي يعاديك للناس
و أبا انشدك يا ذيب كيف المقامات
وهل تساوي الناس أشكال واجناس
وابا أنتظر ردك بكل الجوابات
في منتصف ليلي بعد ما نامت الناس
جواب الذيب
يقول ذيبٍ قد عوى في الرفعيات
ما عاش من يرجي قصيرين الانفاس
ولا طلب من صاحب الوحل فزعات
ولا من اللي بالرديات جرناس
الله عطاني عين دون البريات
والله عطاني ناب ومخلب وأضراس
أختار صيدي حين تنشدني الذات
وارتاح في وكري بعيداً عن الناس
هذه هي الأفعال لو قلت بالذات
أنا على افعالي ما تحاسبني الناس
أما على إنّي أخاف العقوبات
لا والذي رفع السماء دون متراس
وهل أساوي الناس بين البريات
لا. كلٌ على أعماله يحاسب وينباس
هذا جوابي كان قصرت في أبيات
المعذره للذيب أخطأ في الساس
ما قد عرفتوا إن للذيب فزعات
ولا علمتوا إن للذيب قرطاس
حيوان لكن ذيب بين البريات
يأكل ويشرب ما يخاف التجساس
