سيد جعيتم _ جمهورية مصر العربية
أنا… عابد في محرابك
وعلى عتابك أنا مداح
وبنسج توب مواويلك
وأحكيلك عن اللي راح
وأغنيلك يفيض نيلك
وأشكيلك في ديق الحال
فيهون المر على بابك
يعوضني هوا نيلك
يسكرني… يلونني
بلون طينك.. بلون خمري
ولقمة حاف على بساطك
تشبعني ترضيني .. وترويني
والحمل اسيبه على كتافاك
وأنام مرتاح
صباحك حلو يا بلدي
أنا الحامي حدود أرضك
وبدراعي صاين عرضك
وأنا اللاهي في أحضانك
ودايب دوب ف أنفاسك
وببدر حنة في خدودك
تكون حنطة
ما أنا فلاح
وع الدفة ليكي ملاح
أوضيكي بنور عيني
وليل ونهار أنا زنهار
على بابك
و كتاب الله ما بيفارق
ويوم عيدك
أكون حامل قرابينك
يا .. مصر
بحبك ومين غيرك
ساري هواه كده في دمي
