الشاعر محمد عبد العزيز رمضان
صعب أقبل مرة تانيه
إني أبقى تاني ليك
كنت عندي أغلى حاجة
بس فجأة مش لائيك
كنت عمري يا كل عمري
يا حبيبي أنا دبت فيك
مهما أحاول منك أهرب
بلقى نفسي مش ناسيك
قلبي مشغول بيك يفكر
قلبي دايماً بيناديك
صعب إني عنك أبعد
صعب أيوة مش كلام
مهما قلت ومهما تعند
قلبي دايب م الغرام
أوعى تقسى عليا تاني
قلبي تعبان م الملام
ياما قلت هتبقى جنبي
صعب أقبل بالخصام
كنت نفسي أبقى بحلم
نفسي يبقى ده منام
صعب أقبل أبقى لعبه
صعب أقبل بالخداع
أيوه هقدر أبقى أقوى
ههزم الخوف والضياع
ضحكتي فارقت عيوني
حلمي تاه مني وضاع
مش هقولك تاني قرب
ياما قلت وهو باع
واشترى الهجر بعناده
مش هقوله غير وداع
