سيد جعيتم جمهورية مصر العربية
في زمن العفن
الحب مات واندفن
لا حد صلى عليه
ولا أتلف في كفن
وانا شايف من عنيكي
إن غدرك طبع فيكي
وبرضه بعت الكل ليكي
جوه قلبي عايشة دقة
فيها كل الذكريات
ولجل نظرة من عيونك
ألف عذر بدهولك
جوه منك قلب جاحد
قلب عاشق للجنون
والسكات في عيوني مُر
والكلام في الحلق صبر
اصحى ياله وفوق ياطيب
جوه منك فيه مساحة
بالسماح ليها متاحة
فوق بقى بلاش تصدق
أي كلمة من كلامها
هي فاكره أن طيبتك
وإن كونها فوق كتفتك
ضعف منك واستكانة
وإن حبك خلى قلبك
يبقى عبد من عبيدها
انا حر وعمري ما اقبل
ألا دايمًا ابقى سيدها
