رابية الأحمد_ سوريا
سكنت صبية جديد بالحارة
خصرا ياغصن البان هالجارة
بدر أكتمل والوجه مبعث نور
بوصفا أنا صفيت محتارة
قبالي اجت تتمايل بفستان
خدودا زهر ومفتح بنيسان
شفافا شهد بيسكر الصحيان
خيوط الشمس ع كتافها زيارة
تلج انشلح ع جسمها تخمين
عيونا ياخيي عتمة كوانين
صوتا لحن يانغمة حساسين
رموشا ع قلبي بيعملو غارة
ريحة عطرها كتير حبيتا
زهر الخلق للشم سميتا
برموش عين الشوق داريتا
صارت ع نبض القلب أمارة
