ليلى براده_المغرب
قريت فسطورك الحكمة
وعرفت بحرفك المعنى
خديت الكحل والسواك
والما دالورد والزهر
تطهرت وتعطرت
لبست قفطان أحمر
قديم هو مطرز بالنطع
دخلت عليه تحسينات
وأصبح جديد له جدا
حيث بالي ما فرطت فيه
نبتو بحجر لماع
وعاودتو بالسفيفة المعاودة
كان دجدة على قياسي
فالطول العرض شوية فايتني
شريتلو مضمة
تخمال جاني هدية
من عند الوالدة قرة عينيا
باستني فراسي
ودعاتلي بالربح والتسير
لبست شربيلي حتى هو
وخرجت نتمشى عييت
قبضت الركنة
نتسنى سعدي ومكتوبي
فهاذ العواشر
وفقلب العيد
نتمناه يكون
فرح سعيد
ونفرحوا مع الأهل
والأحباب
وحتى الاصحاب
القراب والبعاد
