محمد جمعان الدوسري
بعد الظهر وأنا في عز القايله……………………
والوقت قند دلتي من غوايله
شربت قرطوح من الوجد دافي……………………..
يوم(ن)شربته قام ينثر شلايله
شربته وأنا لاهي وساهي ومشتقي………………….
مع فيضة الاحزان والنفس صايله
ودليت أقلب دفتر الوقت والهوى……………………
يدور كنه مرسل(ن) رسايله
فيها تعاليل السنين الخوالي…………………..
اللي تمدك بالحنين وفتايله
من يوم كنت صغير والراس داوي……………………..
لا هم لا أحزان لا اشجان عايله
ماغير اسلهم مرة بعد مره……………………….
أطرد ورا حلم الطفوله واخايله
وألعب وربعي واللعب يجلب الهنا……………………..
وأنا معاهم ما فختتنا وسايله
في رحيمة الاخلام والسيف والخلا………………….
والحيش سلوة من تحلا خمايله
خوة نقا من وين رحنا يلفنا………………………
رواق ود الشوق وتهطل مخايله
على وجيبي كل ما عن لي هوى…………………….
فاضت قريحة شاعر(ن) مع مثايله
حنين معشوق(ن)لعشقه اذا اهتوى…………………..
يحمل سنا ود الزمان وجمايله
ياهي جميلة ذيك الايام والرضا……………………
لنا رقص وده وارسل رسايله
للدار للأخو ان والصحب والهوى…………………….
نسنس غرام ونقعة الود سايله
هذيك أمي تحضر الزاد والرضا…………………….
بيين واشوفه في سقاها تمايله
رغم التعب دارت رحى الود في وله…………………………
القلب أبيض وفيه الانواء جايله
من شافها شاف المحبه تروف به………………………..
ونخل الموده في يديها فسايله
وهذاك أبوي ما هده الشغل يزدرف…………………
بين العمل والبيت تشرق فضايله
من شاف وجهه شاف فيه ابتسامه…………………..
رغم التعب فيض المثايل يخايله
مرتع صبانا كل ما راح عاد لي…………………….
يحمل حنين اللي تدرهم رحايله
والبوح للمشتاق مجرى مخيله…………………..
ياوي لها اللي يرتشف من مثايله
