ليلى براده_المغرب
هاهو رجع نهار الثلاث
غير البارح كان أول يوم برمضان
الله الله رجع التلاث
ولكن برقم جديد التامن أ سيادي
من رمضان
سعداتك أ فاعل الخير
كل نهار يمر هو من عمرنا
وحنا غافلين
رمضان هو هو
بوقتو مرة فالعام
مرة خارج بتلاثين
مرة ناقص نهار
على حسب رؤية الهلال
وحنا إلي جاية فينا
كنقولوا… رمضان جا
رمضان مشا
ومافاطنين بعمرنا
إلي كيمشي وما كيولي
يارب تجعل عجلة أيامه
علينا تمر بالنفع والرضا
والقبول
وتجعلو عندك يارب
مقبول
وتختم علينا بصالحات
الأعمال
.
