الشاعر محمد عبد العزيز رمضان
كنت عندي أحلى ضحكه
كنت حاجة تانية
كنت عمري آه ياعمري
حبيتك في ثانيه
بس بعتي كل حاجة
أيوه خنتي حبي
دق قلبي وبسذاجة
ليه صدقت قلبي
لا خلاص عنك راح أبعد
مش هقبل وداعك
مهما قلتي مش هصدق
مش هقبل دفاعك
سهل تاني تبيعي حبي
ترميني بخداعك
ياما قلت عليا غالي
قلت إنك حياتي
سهل إنك ليا تخدع
وتبيع ذكرياتي
ليه يا قلبي ليه تصدق
أشواقه ودموعه
قوله إني كرهت حبه
مش هقبل رجوعه
قوله إني خلاص مسافر
مش هرجعله تاني
مهما قاللي ومهما حاول
دمعه مش عشاني
مش هكونله أصله باعني
كان قاسي وأناني
لو حقيقي كان سمعني
كان حس بحناني
