نجاح لافي الشمري
يالله تجبر كسرٍ ماله مع العرب جبار
وتشـافـي اوجاعٍ تعبـت من عناهـا
على ليـل الأمانـي وقاف الاشعار
سقت الخواطــر بترتيب معناهـا
كنـي كما تايهــن وغريــب ديـار
حايرٍ في نفسه وعينـه نثرت ماها
تايهن عن صوابه وعليه عجها ثار
صولات الأيــام وكواه حــر سناها
ضاقت بوجهه وعليه الزمــن جار
ماحسب لها ولا فكر باخـر مداها
يالله تعينه وتفرج لكل محرومٍ وصبّار
على تصاريف الأقدار والدنيا وبلاهــا
يــــارب ياللي له ركعتيـــن بالأسحــار
تحقق الأحلام وتعطي كل عين مناها
