د. عابدين البرادعي
وقالتلي قفلت بوجهى ليه بابك
وقالت مزجنجي حتى مع احبابك
وكتبت فيا كتير ومكنتش عارف
إنها شايله بقلبها غيره وكلام تالف
وكان ردي عليها كالآتي بصوت وضاح
ومين قالك انه مقفول وعليه مفتاح
انا كنت بالمحراب اصلي وادعيلك
وحتى القافيه فهمتيها بدون عنوان
وانا اللي نسجتها من دمى وبالوجدان
والدرويش اللي كانوا يصلو معايا عارفين
انى بجمعهم علشان خاطر عيونك الحلوين
ولما ازيد بنهج الدعوه يتوشوشوا
ويحكوا عليا ميت حكايه وحكايه
وبرضوا مساكين مش عارفين
ان اللي بينا مش عيش وملح وحنين
اللي بينا عشره طاهره بقالها سنين
اه ممكن اكون مزاجنجي زي مابتحكي
بس اجمع مزاج العالم كله مايكفي
وانتى عارفه لمين ياضي العين
حتى لو تحكي عني اي حاجه بردوا
انتى الكل وانتى منبع الحلوين
ولما اسمع ندا الفجر بيصبح وكله انين
اعرف ان الليل كان طويل ودموعك
بتنزل غيره وانا اشوف نفسي سنين وسنين
ماهو طبعي كده احب غيرتك بتعجبني
واحب اغزل من دموعك شوق يدبحنى
علشان لما اقرب واهمسلك بكل حنين
انك روح الكلمه وجنابك قافيه شعر
كل ماقراها بتجذبنى على بابك
عرفتي انه الباب ملوش مفتاح
وانك ساكنه فيه والمزجنجي كلام
وتوأم روحي وتشفي كل جراح
