الكاتب :سمير الشحيمى
شوفيها مزن؟
قالتها مزن وهي واقفه ورى ميره وحياة؛ تكلمت حياة لتدارك الموضوع قبل عن يطور: قصدها أن أنا تعبتك معاي بسيره والجيه عشان كذيه هي تنصحني تكون عندي سياره.
مزن: أها كلامها صحيح المفروض تكون عندج سياره خاصه فيج بدل ما رابطني عمي مصعب فيج وين أروح تروحين معاي وأجلس أترياج تخلصي بوقت أنا أكون مرات مخلصه قبلج.
حياة: أنا كلمت أبوي مصعب وقال بيفكر بالموضوع وأن شاء الله يوافق.
تنادي أفنان على مزن وقالت مزن: يالله أنا بسير نتلاقى بعد المحاضرات عشان أرجعك معاي البيت مثل ما وصاني عمي مصعب؛ تشاو.
راحت مزن وقالت حياة: اشوى أنه لميت الموضوع قبل عن تصير هوشه هنيه بالكافتيريا.
ميره: ليش إن شاء الله عبالج خايفه منها أنا ماقلت غير الصج.
حياة : زين زين خلينا نتمشى لحد موعد المحاضره.
وفي المستشفى ضحى وسندس بالممر المستشفى يسولفن؛سندس: أوف من الدكتور فيكرام يحسب نفسه أشطر واحد بالعيادة العامه ورافع خشمه على شنو مادري.
ضحى: هي وأنتي الصادقه بس شو راح نقول ترا دكتور لازم يشوف نفسه.
سندس : كانت فيني غصه عليه لما نازعني بعدين تنازع معاه أحد المرضى اللي كان معالجنهم أمس كان صارف حقه دواء مافاده برد فوادي نعم.
ضحى: يستاهل زود.
سندس: ها كيف اليوم راح تجين البيت عدنا أنتي وعيالج؟
ضحى: هي من بعد الدوام بجيب العيال من المدرسه وبجيكم البيت.
سندس : زين حلو دام بكره إجازه اليوم المسا نقضيها سهره بربكيو شو رايج؟
ضحى : ماغلط؛ من زمان ماسوينا شاويه حلو عيل نكون نرجع البيت أخبر عمي مصعب وأمي نجهز الشوايه بحديقة البيت ومنها الاعيال يلعبون ويستانسون.
سندس: عيل من بعد الدوام بخبر نايف عشان يخبر حيدر وزوجك أحمد بنخلي الشاويه عليهم الرياييل نحن السيدات ندلع اليوم.
ضحى تضحك: ماغلط ويحقلنا ندلع ويستمرن بالضحك.
وفي مكتب المحاماه اللي يشتغل فيه أحمد زوج ضحى مر عليه صاحب المكتب المحامي سليمان الحبيب وقال له: أحمد جهزت مذكرة الدفاع عن موكلنا بآخر قضيه استلمناها؟
أحمد : هي جاهزه وحاطنها على طاولت مكتبك.
سليمان : بس تمام بسير أشوفها؛ بخصوص قضية العامل اللي تعرض لحادث سير أبيك تدرس القضيه عدل وتسوي مذكرة إستئناف.
أحمد : القاضي حكمله ب2000 ريال
سليمان: نحن راح نستأنف القضيه لأن بنطالب بعرض موكلنا على لجنة طبيه لقييم الأضرار.
أحمد: اللحين راح أباشر بمراجعة الملف.
وفي مزرعة مصعب وأحمد صفوان يطلع من المزرعه ومعاه صاحب المزرعه اللي جنب مزرعة مصعب قالت شيماء : المبلغ اللي عرضته عليه زياده شوي عن سعر السوق وفوق قيمة المزرعه.
مصعب: كلامج صحيح بس ماحبيت أطول بالتفاوض معاه والمزرعه دخلت مزاجي وحاب أمتلكها بأسرع وقت ممكن.
شيماء: أنزين طال عمرك حاب إنك تدمجها مع هاي المزرعه ولا شو حابب تسوي فيها؟
مصعب: من أرجع المكتب الأسبوع القادم بخبرج خليني امخ امخ لها شوي.
شيماء: ومنك نتعلم طويل العمر.
مصعب يناظر ساعة يده وقال: شيماء تقدرين تروحين خلص عملك لليوم.
شيماء : تمام برجع الشركة بخلص باقي الأعمال المتعلقه.
مصعب: كلامي أعتقد واضح يا بنتي خلص شغلك روحي البيت لاتروحي الشركة نلتقي الأسبوع الجاي بالمكتب روحي استانسي مع اعيالج بالاجازه.
شيماء : مشكور طال عمرك.
يمسك مصعب تلفونه وقال: برسل مسج لأم نايف.
وفي بيت شذى وأصيله جالسه معها قالت شذى : أصيله مافكرتي تسوي لج مشروع تشغلي نفسج فيه بنفس الوقت تكسبين منه مبلغ طيب.
أصيله: أنا ويه مشاريع الله يهديج ماريد ولا حابه أفكر بشي خلي افكارج لج.
شذى: بالعكس زين تستوي سيدة أعمال مرموقه ولا سيدات الأعمال اللي بعمان بشو أحسن عنج وأنتي زوجة التاجر مصعب.
أصيله : ماريد خبرتج لو تذكرين من سنتين قبل أزمة كورونا المشروع اللي سويته أتاجر بالفساتين وملابس السهره والحفلات والأعراس كلها أقل من سنه بدل ما أربح فلوس بديت أخسر ومافي مدخول وجات أزمة كورونا خلتني أغلق نشاطي وعصب علي مصعب ومنها قلت ماريد مشاريع وتجاره.
شذى: الأوضاع اللحين غير وقبل غير بس خلينا نفكر بمشروع يكون المخاطر فيه قليله صدقيني راح تنجحي وتقدري تقنعي مصعب.
شوي رن جهاز أصيله رسالة وات ساب من مصعب خلصت منها أصيله وقالت :مصعب يبينا الليله نجتمع كلنا بالمزرعة في محضه.
شذى : وناسه ليتني أقدر أسير معاكم.
أصيله: بشوف يوم بسوي لمة حريم بنسير نقضيها يوم كامل في المزرعه عشان خاطرج
شذى : صج ياليت والله.
أصيله : بسوي رسايل للأعيال عشان يحسبون حسابهم كل واحد ينزل من دوامه ويروح المزرعه.
يتبع…
