الشاعر محمد عبد العزيز رمضان
سألوني عليك
أنا دبت أنا فيك
مشتاق لعنيك
وبحن إليك
أنا قلبي احتار
أنا نفسي أختار
أنا ليلى نهار
وإزاى ألاقيك
يا حبيب الروح
يا دوا المجروح
ومنين ما تروح
أنا بردو شاريك
مش لاقي كلام
ما ترد سلام
اسهر وتنام
وإزاى أراضيك
وبعدت بعيد
وأنا حزني شديد
أنا عشت وحيد
مشغول أنا بيك
وسنين أهواك
أنا عشت معاك
صعب إني انساك
بتقولي ناسيك
أنا بيك مشغول
دايما علطول
كدا مش معقول
الله يهديك
قلبي الموجوع
مش راضي رجوع
ليه مش مسموع
عمال يناديك
ويا نور العين
رايح على فين
لو عدى سنين
أنا مستنيك
