محمد جمعان الدوسري
الله من وقت(ن) عرفنا وجيفه………………..
ابطى يدق النجر والوجد مخطوف
من السنين اللي سبرها المخيفه……………..
داست مفالي القلب والقلب مشعوف
ودموع عينه من أساها ذريفه……………
على حصاة الحظ والحظ به لوف
جر الربابه والعنى يستضيفه……..
ودلا يجر الصوت من حر ما يروف
موسوم حاله والاماني مريفه……………….
والوجد بسهوم الهواجيس محفوف
سج القدم في مهمه (ن) يستحيفه……………..
والقلب من كثر الهواجيس به خوف
يصد عن رشم العباري النكيفه………………..
بس يتزفر كنه يدمدم ادفوف
حتى غدا و الوقت يرعف رعيفه…………..
على رغيفه والتعب يحرق الجوف
عزاه من وقت(ن) تزايد خريفه……………….
أقبل وهو واقف على جرف عاصوف
كنه جويع وواقف (ن)اقبال جيفه………………
يبعد وساقيها على ساقه يحوف
بعض الاوادم لو همومه خفيفه……………….
تلقاه كنه بالدواكيك محفوف
وبعض البشر حمله جروم(ن)
مخيفه……………..
صلب(ن)الشدات مع عظم مايشوف
تسري به الونه وترزف رزيفه………………….
ويجاوب المسحوب وجده بما يلوف
والبوح له صولة سواقي(ن)
لطيفه…………….
لاضاق صدره صار بالبوح مشغوف
مابه تشائم لو شجونه كليفه……………..
واعوذ بالله من تعاليل سرجوف
