محمد جمعان الدوسري
صال بي طرق(ن)على الخاطر طرق
لج بأحلام(ن)لها بقلبي بريق
وغابت الفكره وأنا ما أدري سرق
وجد قلبي لين ضيعت الطريق
كني أركض في البراري مصطفق
مثل منجوم الهوا الصب الغريق
ذاهب(ن)فكري ورأسي محترق
والهموم أكثار ماأدري كيف آفيق
من حزون(ن)سهمها حل وطبق
في فؤادي لين زاد الضيق ضيق
وأرتحل فكري وعاودني القلق
وقمت أدير الرأس في الماضي السحيق
ووهج أطلاله من أعماقه عبق
بريحه الطيب وذعذاعه عتيق
وحرك أشجوني وأتعبني الأرق
والتعب بالمشتقي الغاوي يليق
وطارف الذكرى من الماضي عبق
من حزونه يوم للماضي بريق
بطيف (أبن لعبون) يوم أنه غرق
في هوا (مي)..بزفيره والشهيق
والهوا في القلب لامنه علق
حمل الملتاع فوق اللي يطيق
ثم رماه الشوق في غب و شعق
طيف ماقد راح والماضي يويق
عند من يخلط تلافيف الورق
بالتعاليق البديعه والعقيق
وقفة الفحمان عند اللي طرق
طوق ورق(ن)بمطرقه طرق(ن)رقيق
كن طرق المطرقه ضرب التفق
يطرح الغاوين زي راعي (الحريق)
والهوى للي هوى هم و علق
بالخلي ويوم اللتوى عيا يفيق
من غرام إللي يحبه لا سرق
لب قلبه لين ولع به حريق
وسر مكنون الهوى لامن طبق
يأخذ الولهان لوادي(ن) سحيق
ويلج به وجده ويصبح في قلق
بين ونات(ن)لها ف قلبه بريق
وحرك إحساسه لخله ثم لبق
في نواة القلب والثاوي رقيق
وقام يهلي به ويغني في شبق
للحون اللي لها عهد(ن)وثيق
كلما غنى على طرق وعبق
طيف محبوبه غدا مثل الغريق
