أحمد عبد الحق
لالا ده مجرد سؤال
يعني إيه حبة فلوس
تكسر نفوس تقهر رجال
يعني إيه نقطة مطر
ترفض نزولها
زي متكون مخلوقة حجر
يعني إيه الوردة تدبل
من غير أوان
يعني الضحكه تعشق
تتلون بلون السواد
يعني إيه عصفور جميل
يكمل حياته سكات
هو لازم عشان نعيش
يتكسر كل إللي فينا
نعيش الباقي حداد
هو عشان نقرب لبعض
نحس بعض
لازم ندوق مر البعاد
ولا عشان ترضي الحياه
نحس جوانا ألف اه
نتحول في لحظه جماد
يتولد فينا السؤال
والإجابة هي هي
يعني إيه حبة فلوس
تكسر نفوس
تقهر قلوب كل الرجال
يعني إيه لما نضحك
نقول يارب أجعله خير
عارفين أصعب إحساس
لما غصب عنك يندبحلك طير
لما تقول خلاص أرتحت حبة
يصرخ حسك من جواك
أبسط حاجه يعملك شير
عندي يادنيا وهات كمان
أتعودت علي قسوة قلبك
أتعودت علي الأحزان
دوسي عليا ..كمان وكمان
مش راح أقولك حسبي شويه
مش راح أقول خفي آسية
أتعودت علي الحرمان
