محمد جمعان الدوسري
بدع القصايد وأنا ضايق يسليني…………………..
لصال همي وأوقد شعلة سراجه
أبوح بحزون(ن) نفسي لجل تشفيني…………………..
للعارف اللي يصد الداء بعلاجه
أشكي مواجع فؤادي قبل ترديني……………………
واشرب هماج الغبن لاحميت الصاجه
البوح يكتب هوايه لا جرى فيني………………………
من قبل يسبقني العادي بتهلباجه
وإذا لفتني قصيده بدعها زيني……………………….
جاريتها في قصيد(ن) تقلب أمواجه
يحمل مواري حنين(ن) بان في عيني……………………
لاحيتهاقبل يسبقني توهاجه
اخاطب اللي يعرف الزين والشيني…………………
واللي يشاكي ضعيف (ن)جاه في حاجه
بعيد ولا قريب البوح يغريني……………………
اكتب مثل ما كتب والنفس وهاجه
لاضاع حقي بجهل وشلون يمديني……………………
أسامح اللي تقفاني تلجلاجه
وأنا ضعيف(ن)وكسبي ما يكفيني……………………
والعجز جرف(ن)سحيق وبطوي فجاجه
سنين مرت وحزني ما يخليني……………………
بكسر عصاتي وما أشقى بتولاجه
طبعي اسامح ولا اشوف المسيئيني………………..
وادمح خطى من جهل وأصك دولاجه
لو هو ردي(ن)بيذبحني بسكيني…………………..
ويحد موس الغدر بأطفي سراجه
وانا تحمل كثير وابسط ايديني……………………
وأنسى المآسي صبري مثل ثلاجه
بالحلم والصبر امشي وخاطري زيني……………………..
واقفل فجاج الالم والنفس وهاجه
ولو كنت أعاني ابنسي ماجرى فيني……………………..
نفسي كريمه وسيف الجهل ما احتاجه
سنين مرت وبير الهم يسقيني…………………..
وأنا وحيد(ن)ويضربني بكرباجه
واضحك وفيض الدموع يلوح في عيني………………………
اطوي الليالي وحزني حرت في علاجه
لكن الى الله وحده ارفع ايديني……………………
في الليل لا اغطش وجن وبانت ابراجه
يفرج اللي يطاردني ويشقيني…………………
ويحل عوق الزمان وضول وجواجه
