المهدي تركي الرياحي
يا صاحبي كان ودك بالكلام الصحيح
كم كلمةٍ نزلت حجم الذي قالها
أنا أكره اللي يناقش بالكلام القبيح
هروج المهابيل تسقط مالي ومالها
يسرني يوم أناقش في الكلام المليح
مع شخص جرب حياة الناس وأحوالها
من عادتي ما أمدح إلا كل شخصٍ مديح
والله يخلي دروب الطيب لرجالها
والحاجة اللي تقدمها يدين الشحيح
تلقى شحيحٍ سواته وايتحرالها
واحط كمامه ان شميت بالارض ريح
واللي يدور على النكبات يشتالها
واللي تشوفه مهوب بحالته مستريح
تلقى له اعمال هذي ردت افعالها
والحاسد اللي معه علة وقلبه جريح
دايم خبول العرب ما تترك اخبالها
وإن كان صدره من الضيقة غداله فحيح
تقصر عنه دلة المجلس و فنجالها
واللي ما يحفظ لسانه لازم إنه يطيح
وعليه تدعس رجال الطيب بنعالها
ترى الحقايق ما غيرها اللسان الفصيح
لكن عميان الإرياء يكثر أجدالها
أفضل البعد فالكون الكبير الفسيح
والناس مهيب تصرف لي من أموالها
