المهدي تركي الرياحي
نام الغني واخذ فلوسه حرامي
سارق ولابس من ثياب الغني ثوب
وأصبح يقول أنا الشجاع الهمامي
ما ينوجد في سيرتي نقص وعيوب
فقولوا على الشعر الجزيل السلامي
مهما اعتنيتوا فيه ماهوب مرغوب
الذايقة محصورةٍ في الأسامي
لو الشعرخلطة هجيني ومسحوب
كل النصوص تصير ماهي تمامي
الإسم وحده يجعل النص محبوب
أقولها وأثبت حقيقة كلامي
في بعض ناس عندها الفهم مقلوب
بعض الأسامي ما ثير أهتمامي
أشوفهم عالة على الشعر وذنوب
والإ البعض يحظى بكل إحترامي
قصيدهم والله مقدر ومحسوب
وكثروا مجاريح الهوى والغرامي
كل الشورع صارت أسهوم وقلوب
صارالعدد كثر الجراد التهامي
هذا يجي من صوب الحب من صوب
وصار أعتزال الشعر شئ اللزامي
كل سارق ومستشعرٍ عنده قروب
