المهدي تركي الرياحي
يا كرام الناس يا أهل المرؤة والضمير
شاركوا في حل وضعٍ طغى بين. العباد
الخبل لا حصل المال يهدر به هدير
قال أنا شيخ العرب وطاش بالنعمة وزاد
وهو من أول وأسرته ما يدانون الصفير
لا كرم يرفا الخلل وإلا شجاعة فالطراد
قلت ويش هي شهرته قالوا راعئً أجير
يلقطون الصمغ والظرم من روس الكداد
قال تمدحني وقلت أمدح اللي فيه خير
أمدح اللي له قديم و مواحيبً أجداد
يوم شفته حط مجلس وله بابٍ كبير
وأعرف إنه لا كريم وإلا رايً سداد
مجلسه معروف ما يدخله غير الدشير
ما ملاه إلا كعوب السجاير والرماد
قال أنا راعي فعولً مايفعلها الأمير
ليه ما قالوا لي فلان راح فلان عاد
قلت يراع الفعول أول قلي ويش تصير
أنت راعي وابن راعي لاصيت وإلا شداد
يوم تكرم مرة فالسنة هذا كثير
وكل شيء تصوره جعل مالك لنفاد
كان تبغى تسمع الرأى والعلم الأخير
ما حدٍ سوا مثل ما تسوي واستفاد
تدري أن راع الكرم دايم وهوه فقير
وكل ما ضاقت عليه رزقه رب العباد
لا تعايرنا يوم تشوف فرشتنا حصير
بيوتنا مدهال لضيف في حر و براد
وإن هرج من خلفنا واحدٍ نذلٍ حقير
ما نشوفه غير مثل الضعيف من الجراد
مثل ماقال المثل فالقراد وفالبعير
الجمل أصله جمل والقراد أصله قراد
