دعوه للتمثل بالقيم

محمد جمعان الدوسري

أي و ربي بأتصبر وأتقوى وبستفيد/

بالصبر في حد نفسي لين ألد أعنادها

ماب أطالع غير حقي بس حقي ولا أزيد/

حقي المقسوم لييه عز نفسي وفادها

حافظ(ن)نفسي وراضي بحظي والرصيد/

طاعة الله بالعزيمة أنا صيادها

كم بدت لي من حسان باهيات الزين صيد/

زينهن غيي الهواوي يوم فك أقيادها

كل مامرت وسلهم طيفها تبغى تصيد/

قلبي العامر يعيي ما يجي منقادها

خايف ربي واراقب واحاذر واستزيد/

بطاعة الله في حياتي وصبري زادها

بس حظي في نصيبي وانا بحظي سعيد/

اكبح النفس العنيدة قبل يصطادها

مااطالع رزق غيري فرزقه مايفيد/

غير نفسه والملاوي تبي معتادها

أحسب وحاسب وحاذر ثم راقب لا تحيد/

قبل ماتحرقك نار(ن) كافي(ن)طرادها

الخطا حلو مذاقه وإذا حان الحصيد/

رخ عجاج البلاوي على مرتادها