محمد جمعان
(الا ياوجد روحي كل ماهبت هبوب النود……………… )
على اللي شايل اهموم(ن)تلج وتطغنه بابره
يزايمها وتسري به وحطت في الدروب احيود…………..
وهو معها يسوق الصبر بين ادروبها بدبره
تلحف له مزون(ن) مجهمه فيها العنا ممدود……………….
يحوفه ياعسى لامن شرى ما يدخله قبره
يباري له حزون اتلوف به بس الامل مسدود……………….
تشطر وابتعد في البر ساهي ويذرف العبره
على ذاك الشباب اللي غدا يومه يباري الخود……………….
على وضح النقا لاقال قول صب لك تبره
يسافر في فضا الواحات بين ادروبها ويعود………………
يلاحي البوح لادندن وجات ابياته بخبره
تمربه السنين إعجاف حتى لزه المجهود…………….
طريق(ن)مافخت ممشاه لج واتعبه سبره
كبر ثم(ن)غزاه الشيب وامسى وجد حالي عود……………….
وحاله شان وتغير وسامه بالوهن كبره
وعزمه خار وتردى.. و اول(ن)لاوقف جلمود……………….
وسمه من الزمن ميبر اسى وستعجم النبره
تلافيف السنين اعجاف جزه حبلها المعقود……………….
وهو رغم التعب والهم باقي وما وهن صبره
