عبدالرحمن بن شاهين المضاحكه/
لو الفضا ينفث عطور ورياحين
لو الفضا ينفث عطور ورياحين
ما ظنتي يوصل ربع نفث عطرك
ولو الزهر يمزج بديع التلاوين
ما توصل الالوان لون بظفرك
لونك ذهب وبرونز وايضا بلاتين
ولون الدرر ساطع تلالا بثغرك
والشعر ليل يعشقونه المحبين
أسود وناعم واصل الحد خصرك
أرموشك اسهام تصيب النياشين
هاروت فيها ويتباهى ابسحرك
سيد العذارىانت يا مقلة العين
ياللي القمر يرسل شعاعه لنحرك
وعين البدر خجلا ترى كامل الزين
وتقول يا بدر السما شوف بدرك
حكيك فكر مع فن وايضا تلاحين
وعلاج قلب الخلق كامن بشعرك
ذا واقع عشت وسكنته من سنين
وتنفسه صبح ومسا نفح عطرك
