محمد جمعان الدوسري
شربت لي كأس من الماء وكتشفت أنه هماج………………..
يوم(ن)شربته ما أرتويت وما قدرت اعالجه
وعلني وسم حالي وسام مني الابتهاج…………….
حتى غديت أسير وحدي في فضا لجالجه
و كنت حافي وما انتبهت أن اللي في دربي زجاج…………….
لين الألم اثر عليي وسامني بلواعجه
كم صاحب(ن)شافك تون وحط في دربك سياج……………….
أعذار ماتشفي عليل (ن)والمعاني سامجه
دارت رحى الأحوال بالمهموم مافيها بهاج…………….
كل ما بغاها تعتدل تعاكسه مباهجه
كل(ن)وله يوم يشوف اللي تشوفه والعجاج…………….
لاثار في وجه المعنى كيف يشرق واهجه؟؟
وأنا مثل غير بشر في سيرتي بعض اعوجاج………………
وترى الذي تاهت حصاته تتعبه معارجه
اما يدور له طريق (ن)ياعسى يلقى خراج……………….
ولا قعد في دحل همه و الرحول سارجه
