الشاعر : محمد عبد العزيز رمضان
وقف البشر يوم الحسابِ
والكل خايف م اللي فات
والعمر ضاع مع حلمهم
الدنيا وهم يا دوب ساعات
مشهد عظيم هز القلوب
رجَّع وعاد كل اللي مات
خلص الكلام راح الزحام
والدنيا أعلنت السكات
يا خلق ليه بس الجحود
دا بكرا هنكون ذكريات
في القبر راح هياكلنا دود
ونسيب كمان أغلى الحاجات
رب العباد رزاق كريم
يفتح لعبده ألف باب
يوم الحسابِ بر ورحيم
عملك هتلقاه في الكتاب
من غيرك أنت عليك حسيب
خايف ومش لاقي الجواب
خفف ذنوبك كن رقيب
للنفس هتنول الثواب
وصون لسانك كن خطيب
بالحق تأمن م العقاب
أمر بن آدم ده عجيب
يبني يعمر في الخراب
ساعة القدر مالهوش طبيب
هيصير كفن تحت التراب
