محمد جمعان الدوسري
قبل رمضان بيوم والشمس ساطعه…..
خذاني هجوسي يوم ثارت زوابعه
للافظ بن لاحظ تفز القوافي….
عريف الشعر والبوح يعرف طوالعه
خذاني إلى بحر(ن) غزير(ن)غياهبه…..
ولانيب مثله بس اباري مهاجعه
كذا راح فكري مع تلايم كوامنه.
الى عبيد بن عجعج وطارف روايعه
عريف الشعر والبدع الى من بدا انتهى..
وانا في طرف وادي(ن)انادي مرابعه
خذتني معه سجه ومادري بكنهها….
لأنه امير الشعر ويسبر مطالعه
الاحي لحون تطرب اللي يقولها…..
الى من زهمها اينعت في مرابعه
ترى الشعر دوح وارف(ن) يسلب النوى…
اذا صال بالشعار والنفس وادعه
تلالا لالي الوجد والشوق والهوى…..
وتسري بملتاع(ن) يدور شوارعه
ويدندن كما الدندان مع ضولة الهوى……
وهذا هوى نفسي ولاهيب شابعه
جميل المعاني تاخذ اللي يقولها…..
ويطرب لها العارف ولو هو في وادعه
وانا اختارني بوحي وجاوبني الهوى….
وجبت القصيد اللي اعده واراجعه
تعاليل فاضت وحكمتني وقلتها….
تتابع على ذهني وهي قبل قابعه
