الشاعر:المهدي تركي الرياحي
البارح أنا من مسافاتي تحدرت السيول
كل الشجر فالاودية معها غصونه مايحه
لاعلها لا وصلت الأرض النظيفة والسهول
تنبت زهورٍ عطرها يعطي جميل الرايحه
أقول للي في قرارته يصدرها عجول
أركد وطالع فالنتائج لو تصيح الصايحه
واللي يقول بلا دليل الناس تفهم ويش يقول
لو يصمتون أصدورهم من الغبائن فايحه
المشكله فالرؤس لاقامت تدبرها الرجول
اليا تغدوا زبدةٍ فوق الشوارب سايحه
ما ضيع أصحاب العقول إلا قليلين العقول
يكثرهم في ذا الزمن متصدرين اللايحه
كم واحد يسوقه الشيطان واختاره ذلول
يشوف نفسه رايحٍ واعلومه اللي رايحه
حفلاتهم تطبيل فيها مطبلين بلا طبول
واللي كرامتهم من سنين تعدت بايحه
حتى الرجال اللي يعرفون الكياسة والأصول
صاروا مثل باقي الرجال اللي وطتها الجايحه
ياراعي حصان تكده وأبعدت عنك الخيول
٦ان مت ماتلقى لك حدٍ غير أمك نايحه
اللي دعاني يوم أقوله ليس من باب الفضول
لكني أكره مدح خبلٍ كثروا مدايحه
ماضيّق الساحات غير أهل الكلام بلا فعول
في كل يوم تشوف لك وجهٍ جديد وتايحه
من كثر ما أشوف الغلط ياليتني كنت مهبول
ما أشوف ماسمع مانتبه ماشم حتى الرايحه
لكن عندي حل راحة لي عن باقي الحلول
بعدي عن اللي ينصح وإلا يحترم نصايحه
لو أن وجهي من مواجيب الرجاجيل مغسول
إنكان ماسلّم على أصحاب الحظوظ الطايحه
