ياحظ وينك

محمد جمعان الدوسري

ياحظ وينك هج مني أحتمالي……………..

الحمل لا زاد ما يحده اقياس

تعال شفني لا تجيني أختالي……………….

أقوم وأقعد والخوى يقبس قباس

ضعيف حال اجروم حمله ثقالي……………….

وحمل التعب يخلي الفكر

يحتاس

ياما شربت المر مثل الزلالي……………….

وأعوذ بالله من غثى (ن)يمرس مراس

سجيت رجلي في تخوم المفالي……………

في صحصح(ن)نادي ولا فيه ميناس

إلا زحام الضيق

على التوالي………………..

وحديث نفسي والشقى وفيضة اليأس

كل ما بغيث أصد يضوع فالي………………

فيض الامل ما أحس له اي نسناس

ما أقول إني في البلاوي لحالي……………

وأدري بأن البعض في الحزن جلاس

ناس(ن)على رجم النعم في العلالي……………….

وناس لها من ضيقة الحال اكداس

وناس من الميناس تفتل حبالي……………….

وتشرب زلال الخير والشهد في الكأس

ياحظ قل اللي يمينه شمالي………………..

بطاعة الله والصبر ترفع الرأس

والرزق عندك ياعظيم الجلالي……………..

أنت الملاذ لكل شاكي ومحتاس