شعر المهدي تركي الرياحي
جدة . السعودية
السيرة اللي تسطرها الفتاة البتول
فصولها بين مسجدها إلى بيتها
تألقت في سماء الامجاد بنت الاصول
حتى تساوت مع الشمس وظهر صيتها
سحابةٍ غيثها ممطر بكل الفصول
والسحب ما تمطر الا في مواقيتها
انظر لها نظرة الاعجاب فيها ذهول
ويملكني الخوف وانا مابعد جيتها
حبيتها حب ما تدرك بعضه العقول
في عدت اشياء تميزها وحبيتها
فيها جمالً جعلني يوم اشوفه خجول
ياليتها ما سحرتني فيه ياليتها
ان اقبلت عطرها عطر يعبق بكل الحقول
وان غابت الارض تركبني عفاريتها
لا قلت احبك عجزت اكمل اللي باقول
كم مرةٍ جت على لساني ورديتها
وبالحب يتوقع اما رفض والا قبول
والنفس مهما تسوي فيه ما ارضيتها
اما أرتفع صاحبه او طاح تحت الرجول
وانا بصيرٍ بنفسي وين حطيتها
