رابيه الأحمد
الدنيا هم
بدي هزك ياغربال
بلكي الدنيا بتضحكلي
هموم الدنيا تهد جبال
ياشحاري وياسقلي
الناس بألوان وأشكال
العيشة صارت بهدلي
مافي غير القيل وقال
الهم بقلبي زودلي
صدق لاثروة ولامال
قلبي رايح يسعدلي
في منن طبعن محتال
العيشة معهن مو سهلي
لفو ودارو جنوب شمال
نسيو مليح اللي متلي
صارت صعبة هالأحوال
وصار الحزن بيلبقلي
ياما قالو بالأمثال
بيي وجدي من قبلي
بعمرك لاتعاشر اندال
وصيتن ضلت بعقلي
ولو دولابك مرة مال
ادعي وصلي ع القبلي
