الشاعر : محمد عبد العزيز رمضان
كان في مره طفل صغير
ما بيسمعشي أى كلام
ولكل دروسه ما يعملشي
كان عايش بين الأحلام
ماما قالتله لا ياحبيبي
قوم أتعشى وبدري تنام
وأهمل كل دروسك وأوعى
تنسى الواجب يبقى حرام
بس أخينا طنش ماما
فكر كدا راح يبقى تمام
خدها نصيحه علشان تنجح
أوعى تعيش عمرك فى أوهام
ذاكرواتعب وأنت تلاقي
كل حياتك خير وسلام
وأسمع وأفهم ولا تتكبر
ولا ترفض من حد ملام
أصل الكبر لصاحبه بيهلك
ونهايته كدا شر ختام
ندم الطفل وقال لمامته
يا حبيبتي أنا هبقى همام
مش هنسى لدروسي وأخر
وهصحح لطريقي قوام
فرحت أمه ورفعت إيدها
ودعت للرب العلام
إنه يكون صادق في كلامه
ويحقق هدفه بإحكام
كبر الطفل وحاله اتغير
بعد ما مرت بيه أعوام
وصبح شمعه لبلده تنور
وفي شغله ليه كل مقام
إتعب تلقى لتعبك ثمره
بعزيمه وقوه وإقدام
كن شمعه لبلدك بتنور
وأوعاك تبقى كمان هدام
ليه ترضى بإنك تتأخر
وتعيش عمرك كدا في ظلام
هتلاقي حياتك تتبخر
وتتوه وتضيع في الأيام
