ليلي براده
الذاكرة كترجع بيا دايما لدرب بوبكر
الدار فين كان الشمل فيها يتلم
دار بلدية كل بيت جامع أسرة
فيها دازو العراس وكل عقيقة حتى هي
خرجوا منها شلا جنازات لناس عزاز
ترسموا فالمخيلة وما خرجوا من قلب
يا حسرة على ذيك الأيام وعلى الدار
جمعات الكل وما خلات الضيم ل حد
القلوب صافية رغم اختلاف الأفكار
الدراري ناشطين ضاحكين لاعبين
ما يعرفوا خصام ما يعرفوا بعاد
نزلو دموعي على خدي تألم خاطري
بغيت ولادي و ولادهم خوتي ل أحباب
الكل يعيشوا لي عشناه ف صغرنا
وترجع البسمة و الفرحة لقلوب
و يعم السلام والهناء وراحة البال
