المهدي تركي الرياحي
طيفك من أقصى مسافاتي يناديني.
وأنا جميع المشاغل لأجلك اهملها
وقربك ليا جاء صقيع البرد يدفيني
وسمائم القيض لاهبت يعدلها
أسمك مسح كل الأسماء من عناويني
أقراء حروفه و تسعدني وارتلها
حتى لو البعد يرهقني ويضنيني
ونفسي من العشق يقتلها تزملها
أقل شيئا يجيني منك يرضيني
ويكبر ويأخذ مساحة ما أتحملها
أنا لو أصأفحك هذاه يكفيني
هاتي يدك في يديني لأجل أقبلها
ربي خلق كل شيً فيك يغريني
يكثر ما أخلى بنفسي وأتأملها
من سحبك الممطرة عطشان وأسقيني
كبدي على ماك يابستٍ بلايلها
لو كان تبطي بها ما إحنا بعجليني
أنتظر لين ما ربك يسهلها
وخذ كل شيً تبيه إلا نظر عيني
من شان أشوفك وأغمض وأنت داخلها
صورتك هي من تجمل باقي سنيني
وأنسى الذي شافت عيوني من أولها
ونعيش كل الوفاء اللي بينك وبيني
وسنيني اللي مضت من قبلك أهملها
على محبتك لا. لا. لاتوصيني
حبك وصل بي أمورٍ وأنت تجهلها
حباً لو أقسمه يسعد ملاييني
ويطهر أقلوب بعض الناس وعللها
