الشاعر : محمد عبد العزيز رمضان
يا عيون عدت عليا
خطفت قلبي في دقيقة
حبيتها مرة واحدة
كانت صافيه وبريئة
مش قادر عنها ابعد
طلعت قاسية وجريئة
نسيت كل اللي بينا
خدعتني ودي الحقيقة
عايش جوايا حزني
تايه في بحور غريقة
أنا مش ممكن هصدق
من تاني إنك رقيقة
بعتي الحب اللي بينا
خنتي بمليون طريقة
يا عيون عدت عليا
سرقتني من حياتي
وقالتلي أنت اللي ليا
يا أجمل زكرياتي
وسقيتني المر كله
مملكشي غير سكاتي
ما صعبشي عليه دموعي
طول ليلى أو أهاتي
يا عيون عدت عليا
وقالتلي أنا مش هخون
وهعيشلك عمري كله
يا أجمل العيون
يا حكايه كتبها قلبي
ورمتني في الظنون
فكرت بإني عندك
مش ممكن يوم أهون
بس لقيتك بتبعد
بعدك هو الجنون
وكرهت الحب بعدك
ولغيرك مش هكون
