الشاعر: سليمان حذيفة
لا تطلعي صهوة مهر بالي
ع شكل جسمك شايف خيالي
مهر الهوى لولا جمح مجنون
وبدو تحتى يروق خيالي
صوت القلب عندو صدى مسنون
بيشبه صهيل الريح بالعالي
وقديش فّيي شعّل لْيالي
بيموت لو تخت العشق بيكون
ما في دفا وفرشو من البالي
قومي أنزلي من البال ، بابو عيون
وتمرجحي بدمع الأسى قبالي
ما في قلب لولا خفق مديون
بس الوفا بطبعي أنا غالي
عمري صرفتو والقلب مرهون
لناس بوجودن يا نيّالي
وبقيان نَتفة شعر من حالي
