الشاعر : محمد عبد العزيز رمضان
_ورمتني في الليالي
خلتني كمان وحيد
_ كنت قريب لقلبي
وصبحت ليه بعيد
_حبك كان غالي عندي
لو تبعد إيه يفيد
_سهران مشتاق لقربك
فرحان عايش سعيد
_يا صورة جوا قلبي
وفي عيني بلون جديد
_خايف لو يوم نسيتني
قاسي غدار عنيد
_حبيتك خنت حبي
والنار تحرق تزيد
_ورمتني في الليالي
من غيرك مش هكون
_صدقت كل كلمه
فكرت أنا مش ههون
_ولقيتك حد تاني
وقدرت إنك تخون
_ونجوم الليل تالتنا
دمعي غطى العيون
_وقالولي إنك أناني
قلت كلامهم ظنون
_بس أنت بعدت تاني
منك دقت الجنون
_ورمتني في الليالي
ونسيت كل اللي فات
_وكأن اللي ما بينَّا
كان وهم وذكريات
_ياخسارة عليك يا قلبي
الحب راح ومات
_كان بينَّا ضحكه حلوه
كان بينَّا أجمل حاجات
_ وسنين العمر عدت
ما فضلشي غير سكات
