محمد جمعان الدوسري
تعاليل ٱهات(ن)غزتني وصرت أخاف…………………………..
لاتدوي بي أحزاني غصب عني وتشمي
ثلاثين عام ونصفها والشقى ميلاف………………………
من الصبح لين الليل من غم لاغمي
يجي العيد بعد العيد وحمل الشقى ينعاف…………………….
يديني قصيره والتعب جوه يعمي
وأنا فلجته تايه وأطلع إلى المشراف………………………
وأشوف الحزون المجدبه سمها يسمي
أنا بس بالحالي؟أو كل(ن)وله مغراف!………………………
وذي أهمومي السودا تعلم على كمي
تجرعت لي كأس(ن)من الضيم ما ينشاف……………………..
مرير(ن)كمر الحنضله طعمها يسمي
مقادير والأقدار تأتي كتل وخفاف……………………
وما قدر الله ناز حكمه على فهمي
وللعسر طعنات(ن)كما ضربة السياف……………………
حديده سنين(ن)يفصل اللحم والعظمي
ولليسر ساعات(ن)تجب العسر لا طاف……………………….
وإلد العسر بالصبر وما أقرب الأثمي
فإذا جب يسر(ن)عسر تأتي الجروم أخفاف…………………….
وترف السعاده والسعاده لها وسمي
سرور ورضا وإيمان فعين الأمن ينشاف………………………..
إذا أدركتها بالصبر جرى الخير مع دمي
