محمد جمعان الدوسري
البارحه وأنا أطارد خوى الرأس….
من صورة مرت علييه مريره
صوره لأيتام على الضيم حراس……..
يبكون من جور السنين العسيره
لين أشربوا من الأسى والتعب كأس…….
مرارة(ن)ترحل وتأتي بذخيره
يعصف هواهم هم والهم هراس………
عاصوف حزن(ن)طاش فيهم شخيره
ما ذاقوا الأ القل والضعف واليأس…….
والجوع يضربهم بشلفى (ن)شطيره
من مات أبوهم مالقوا غير الأتعاس…..
وهبت هبوب من بلاها سطيره
وأم(ن)لهم تشوفهم بين هوجاس….
وأحلام شينه و الملاوي كثيره
تشرب هموم(ن)كنها قطع الأمواس……..
لابيت يحميهم والوقت هراس…….
ولاعزوة(ن)أوصاحبه أوقصيره
ستة يتامى وأمهم بين أرماس…….
سقم الحياة ياجعل في الأمر خيره
طلبت ربي في خلوتى وكلي إحساس……
إنه يزيل الحزن والحزن ديره
ويبسط لهم من فضله الخير اكداس……
فالفقر بير(ن) والبلاوي جفيره
بأذكر اللي له من الخير مقباس…….
يشوف حال اللي تعثر مسيره
