محمد جمعان الدوسري
حي الرجال إللي كما طيور شلوى….
لا جاهم إللي يشتكي عنزوا له
دخيلهم على
الصواديف يقوى…….
ويزين حاله لانتخى و أفزعوا له
في قربهم عن التعلات سلوى……
لامن لفاهم عاني(ن) وقفوا له
بعض المواقف للمشاكيل طلوى……
وتبين الطيب لمنهم شكوا له
أحد(ن)رقى فوق الجبال وتعلوى…..
إذا أنشدوا عن القروم أشروا له
واحد(ن)عن أفعال المراجل تخلوى…..
ثاوى عزوم(ن)لاإتعبوا ما سعوا له
طرقت لي طرق طرقني وتجلوى……
واللي يعرفون الجزيل أنصتوا له
