محمد جمعان الدوسري
مايحصد الزرع إلا كف زراعه……………………
وماتشيد الدار إلابجهد أهاليها
إذا تعاون صبي وشمر ذراعه…………………….
ونادى المراجل تبسم له معاليها
الأرض تارخ وأمجاد ولك وداعه…………………….
حافظ عليها وتفرح بك علاليها
هي بيتك اللي بجهدك يعتلي باعه………………………
وهو أمانك إذا إسودت لياليها
في ريفهه العذب طيب(ن) ينشر إشراعه…………………..
على ربوع ترحب بك مفاليها
ماهو مكان لخمول(ن) يثني كراعه…………………..
ولا لغر(ن)هوا الأمجاد قاليها
لكن لشهم(ن)دحوم(ن) قدم الطاعه………………….
على هوى النفس وأمسى مايباليها
الأرض من دون أهلها مجدب(ن)قاعه………..
وبجهد اهلها تسقى من هماليها
نفسك إذا ماإنثنت لك ماهي مطاعه…………………..
تسري بمن غرته واللي يواليها
والدار مايستوي لاإختلت أضلاعه…………………..
والأرض تحيا إذا سقيت مفاليها
واللي يبي الزين يحكم مده وصاعه…………………..
واللي ثعثر بتجنح به تواليها
المرجلة نهج أمه ماهي بضاعه……………………
ولافلاة(ن)تسرك في تساليها
بعض المراوي ولو سرتك خداعه………………….
لاتخدعك لو تباهت في تلاليها
من طاب حظ ف حياته يحرس إقلاعه…………………..
حتى يشرف على عالي عواليها
