الشاعر: أحمد عبد الحق
أنا مش ضعيف
بأختصار أنا واحد يادوب
بيحلم يجيب تمن الرغيف
واحد ضمن ناس ميتين
عايشين في ديرة حزنهم
مع أن كل ذنبهم
خايفين من نومه الرصيف
أنا مش ملاك وعمري ماهكون إبليس
واحد عادي أقصي حلمه يموت مستور
ولما يجي الأجل يموت نضيف
أنا مش ضعيف وحلمي بسيط
كنت بحلم بالإمارة
وأكتشفت مش بالشطارة
صعب تكون واحد رزين
سهل تكون واحد عبيط
هي كده قاسيه الحياه
كل ماتيجي تضحكلها
ترسمك ميت ألف اه
ولما تيجي توصفك
تدبحك .. تفكرك
تعلمك..تفهمك..
يعني إيه غدر الحياه
صاعبة الحياه
تيجي تعيش جنتك
تلاقيها نار
وتيجي تمشي في سكتك
تلاقيها إنكسار
هو يعني مكتوب علينا
نعيشها كلها شهد بمرار
شوق وأنتظار
بأختصار .. هو ده طبع الحياة
أنت تحلم وهي
لوحدها تاخد القرار
