الشاعر: أحمد عبد الحق
نقطة ضعف
قلمي الحر بينزف مر
أكتب..أوعاك تكذب
إياك يهزك هيجان البحر
نقطة ضعف هي عيونك
سكوتها كلام..شوقها سلام
ولما بتنزل دمعة بحرقة
بيدوب الصخر
نقطة ضعف
نقطة بنقطة
سجل يلا ياقلمي اللقطة
صور أحلى مشاعر
هي أميرة وهو الشاعر
هي الشوق اللي بيتحرك
جوا الحرف..ورده وقلب صغير
أكتر حاجه بتسعدها
لماتكون محبوسه بظرف
نقطة ضعف
لما تلاقي حد يحبك
بس أناني
لما يقولك أنك عايش
بس عشاني
لما توهب كل مشاعرك
ويقولك تاني..أصله أناني
نقطة ضعف محطوطه في دايرة
ولما تحبي تثبتي ذاتك
يقولك بايرة
ولما تحسبي نبض حياتك
تلاقيك حايرة
أسمع يابني أنت وهو
كلنا ضعف
لما يتمردقلمك مرة
علي معني الحرف
لما تموت كل ورودك
وتتكفن بالظرف
ساعتها أصرخ وأتالم
يمكن جرحك يتكلم
أصله في الأول والأخر
نقطة من نقط الضعف
