المهدي تركي الرياحي جدة . السعودية
إن أمطرت سحب القصيد تحدرت منها السيول
وأمسى الشجر فالاودية معها غصونه مايحه
أظنها لا وصلت الأرض النظيفة والسهول
تنبت زهورٍ عطرها يعطي جميل الرائحه
وأقول ياللي في قرارتك يصدرها عجول
أركد وفكر ويش فرق اليوم عن البارحه
وانته بلا دليل و الناس تعرف ويش يقول
لو يصمتون اصدورهم من كثر كذبك فايحه
المشكله فالرؤس لاقامت تصرفها الرجول
فاض النهر وامست مياهه فالشوارع سايحه
ما ضيع أصحاب العقول إلا ضعيفين العقول
فكّر تجدهم فاالزمن متصدرين اللايحه
كم واحد يسوقه الشيطان قدامه ذلول
يشوف نفسه رايحٍ بعلومه إللي رايحه
والحفلة إللي راقصٍ فيها منافق ومهبول
واللي كرامتهم من وجيه الكرامة بايحه
حتى الرجال إللي يعرفون الكياسة والأصول
صاروا مثل باقي الشعوب إللي وطتها الجايحه
ياراعي حصانٍ ثبير وابعدت عنك الخيول
نهار موتك ماحدٍ يحزن لو أمك نايحه
ماقلت هذا من تندر فيه وإلا من فضول
إلا يوم أكره مدح خبلٍ كثروا مدايحه
ضاقت بهم كل الديار أهل الكلام بلا فعول
في كل يوم تشوف لك وجهٍ جديد وتايحه
لاتلومني لاخترت حل وعفت عن باقي الحلول
بعدي عن اللي ينصح وإلا يعمل ابنصايحه
ولو أن وجهي من مواجيب الرجاجيل مغسول
انكان ماسلّم على أصحاب الحظوظ الطايحه
