محمد جمعان الدوسري
لا صار ما عندك من المال قطمير …….
فارفع يدك لله مع كل شهقه
وناجه بذل العبد من دون تقصير …….
وباللي يسومك لو غدا الحمل شلقه
فييارب يالمعبود مجري المقادير………………
طالبك عدل ماكواني بحرقه
من لي سواك يظفي عليي التياسير…………
لا ضكني وقتي ولاشفت ودقه
تاهت حصاتي والأسى لأشتوى غير……………….
ميسم شجون(ن) سامني منه طرقه
وأنا أتبتل والتبتل تباصير……………….
إذا نعمت بخير والنفس غلقه
وإذا ذكرت أفضال ربي فلا أدير………………..
وجهي عن المحراب والروح حذقه
تبتل(ن)يملا القلوب المحاسير…………..
ويصدع الممرور والنفس غرقه
مسكين من لام الزمن والمحاذير………….
إنه يعيش وفي طريقه مشقه
يارب يالمعبود زبن المكاسير…………….
وملجاء الضعيف ومن يرى كل خلقه
جيتك وانا محتاج لك وين ماسير ………….
يسوقني عزم(ن) لوى الحظ عنقه
طالبك فضل منك تبدل الكير………………..
اللي رماني وما تبينت أفقه
