الشاعر: احمد عبد الحق
أ نا مش ملاك
هي الدنيا عبارة عن أيه
مرة تكون حاضر جوايا
ومرة معايا
حتي لو كنت هناك
مرة بتغلط
ومرة بتندم
مرة بتألم بعدمتتألم
مرة تعيشي معايا في الجنه
ومرة نحس النار بهلاك
صعب حبيبتي بتطلبي مني
أبقي ملاك
صعب أكون نبض حياتك
وأنا براك
عاوزة تكون التوبة نصوحه
لازم تبقي من جواك
أكتر حاجه بتجرح فيا
لما تعيشي دور قديسة
وأنا أبليس ..وأنت ملاك
وأصعب جرح لما أتكلم
وأكتب حسي
وأقول هتحسي
أحسك لحظه أني لوحدي
وأنك فاصله الشحن هناك
شوفي حبيبتي هاقولك حاجه
هي الدنيا زي مافيها
أبيض وأسود
شر وخير
وعشان تعيش نفسك
جرب قبله تعيش الغير
دنيا وقابلة للتغير
لازم تلبس توب أبليس
علشان تبقي مرة ملاك
هي الورده علشان تطلع
لازم تطلع من بطن الطين
لازم تكبر بين اشواك
جربي مرة تعيشي يومك
وآخرة يومك نصيحه أخيرة
قبل النوم تنظف قلبك
وترمي كل حاجه وراك
