الشاعر:احمدعبدالحق
ساعات بحسك حتة مني
الاقيك قريب
وبدون مبرر الاقيك بعيد
حرفك عنيد
بحس بجرحك ..وجعك
أصعب حاجه لماننجرح
من جوه الوريد
أصعب إحساس ممكن تحسه
لما الحبيب يكون بحضنك
وتحسه أنه هناك بعيد
أصعب جرح جرح حبيب
وبعد مايقفل
بتنزل دمعة تلاقيه بيزيد
أتعس لحظه في عمرك كله
لما يتيمك تحسه مازال
واقف فرحان مستني العيد
مرة أحسك حب العمر
بتحاول تنسي
وأنسى معاك أيام المر
مش بكفايه المسروق منا
نلحق حتي يوم في العمر
صعب حبيبتي تلاقي الحب
والاصعب تحافظي عليه
صعب تلاقي جواك قلب
يحن ليك وتحني إليه
صعب تداوي كل جروحك
والأصعب أنك تداريه
عاوزك تنسيه
تخرجي برة حدود الكون
وتعيشي بيه
تطلعي مرة من القمقم
بالمرة حاولي تحسيه
أول مرة راح أقولها
لو ضاعت منك أيامك
لو ضاع حلمك في منامك
لو دق قلبي علي بابك
ياريتك لو يوم تعيشيه
لو حسيت الشوق في كلامي
حسي الشوق
أنت لوحدك أحلامي
طول ما انت شمعه في أحلامي
عمري ماهبص لفوق
طول ما أنت حرفي والهامي
هحسك شوق
ياما حلمت بيك ساعات
وقلت خلاص
ياما قفلت بابي بحزن
ونسيت حواليا كل الناس
وقلت خلاص
غصب عني لقيتك لحظة
بتطلعي مني الإحساس
أفهمي
كل اللي عدي عدي
وأنت الجي
أنت الشوق المكتوب ليا
وأنت الضي
وأنت حبيبتي..وأنت أميرتي
وبين العالم مالكيش زي
وأنت النور الىطالع مني
وسط العتمة
وأنت الحرف المكتوب ليا
أنت الكلمه
وأنت معني لو راح مني
كل كلامي من غير لازمه
