احمدعبدالحق
خايفه
مخبيش عليك
خايفه من كتر حبي
ياحتة من قلبي
والأكتر إني بشتاقلك
بشتاقلك ودايبه فيك
الحنيه إللي في كلامك
حتي سلامك
حلاوة غرامك
والنظرة إللي في عينيك
خايفه من يوم مقدرش
علي الشوق إللي ماليك
من يوم معرفش
متصورش تهون عليا
أو في يوم أهون عليك
بجد معاك بطير
شوقي ديما ديما سابقني
ومش لغيرك
حسيت بنفسي بس بيك
معاك بطير
وكتير تلاقيني غصب عني
عليك بغير
من غير مبرر ولاأسباب
من غير تفسير
أيوة معاك بطير
وأبقى في حضن السحاب
ألم شوقي
أجمع حروفي
تطلع كتاب
أقولك تعال وكفايه بعد
بخاف كتير من الغياب
تصدق من غير قسم
شعوري بيك حلم جميل
حرف بملامحي أترسم
ولما بحزن ألاقي طيفك
يطبطب علي قلبي ويبتسم
تحلو أيامي
يتجمل بيك سكوتي وكلامي
ويروح مني كل الألم
ياحلم عشت العمر
أحلم بيه ومعشتهوش
يانبض قلب
منقوش بحب
قبلك والله محستهوش
أنت الحب
وأنت عمري
وأمل حياتي إللي ماطلتهوش
خايفه
لالالا مبقتش خايفه
كفايه عليا أحساسي بيك
كفايه شوقي
أوعدك كل مااشتاقلك
روحي تندهلك
مجيش علي مهلك
والله كل العشاق
بيحسدوني عليك
